गुदगत रोग जनजागृती शिबिराचे आयोजन

महाराष्ट्र शासन वैद्यकीय शिक्षण व औषधी द्रव्य विभाग व आयुष संचलनालय महाराष्ट्र राज्य, मुंबई यांच्या दुवारे महाराष्ट्रात आयुर्वेद विषयी व्यापक जनजागृती अभियान अंतर्गत आज दिनांक २६/०९/२०२३ रोजी रा. आ. पोदार वैद्यक महाविद्यालय येथे सुवर्ण महोत्सवी सभागृह येथे अंगणवाडी सेविकांना गुदगत विकारांधे प्रतिबंधक उपाय या विषयी व्याख्यान देण्यात आले. वरील कार्यक्रम मा. अधिष्ठाता डॉ. संपदा संत व विभागप्रमुख डॉ विजय उखळकर यांच्या अध्यक्षतेखाली पार पडला. या कार्यक्रमाची सुरुवात दीप प्रज्वलन व धन्वंतरी स्तवनाने झाली. या कार्यक्रमामध्ये आय. सी. गोयार ( ICDS Officer) प्रियांका सोनार (ICDS Supervisor) करिम पटेल (Protection Officer), वंदना भोसले | ICDS Supervisor), अनिष गोरे माहिती विश्लेषक प्रमुख मान्यवर म्हणून उपस्थित होते.

प्रियांका सोनार यांनी आपले मनोगत व्यक्त केले, डॉ विद्या जंगले सहाय्यक प्राध्यापक शल्यतंत्र विभागातर्फे यांनी गुदगत विकाराचे प्रतिबंधात्मक उपाय या विषयावर व्याख्यानाद्वारे सखोल मार्गदर्शन केले. डॉ. वाघमारे, डॉ. युनूस सोलंकी, डॉ माधुरी भंडारे, डॉ श्रीकांत ठाकुडकर तसेच इतर विभागाचे अध्यापक वर्ग उपस्थित होते. या कार्यक्रमाचा लाभ 34 अंगणवाडी सेविकांनी घेतला. वरील कार्यक्रमाचे आभारप्रदर्शन डॉ. दळवी यांनी केले.